هدى المفتي تُعلن أنها فنانة طماعة ولا تحب فكرة ربط اسمها مع ممثل آخر

كشفت الفنانة هدي المفتي تفاصيل شخصيتها قائلة  "دوري في بنات ثانوي مختلف تماما وانا كان عندي طاقة وده كان الدور المثالي لتفريغ الطاقة الإيجابية في مكان صحيح".وأضافت: "معنديش أي موانع في التغيير في شكلي من أجل دور هادف ولو طلبوا مني اتخن ٢٠ كيلو علشان دور هعمل ده". وعلى الرغم من كونها موديل وعارضة الا انها قالت، "انا دخلت مجال المودلينج بالصدفة ومكنتش بخطط له".

وأضافت هدى، أن ما يميز فيلم بنات ثانوي هو أن شريحة عريضة من الجمهور هتقدر تشوف نفسها في الشخصيات والقصة، وأضافت: "بحب أعمل دور الناس تقدر تشوف نفسها فيا، وانا لقيت نفسي في الشخصية رضوى في الفيلم".

وعن التناغم بينها وبين الفنان   قالت هدى: "الناس في الشارع بتسألني عنه، والناس حابة تشوفنا مع بعضنا، وشرنوبي زي اخويا".

وأضافت: "دوري في فيلم بنات ثانوي لم يتقابل مع دور شرنوبي لكن وجودنا في عمل واحد كان مطمنني، وانا قولتله ان وشنا حلو على بعض"، وأوضحت: "لكن أنا مش مع فكرة إن يتربط اسم ممثل بممثل تاني، على الرغم من إنه مفيد وجود اتنين الجمهور بيحب يشوفهم سوا ومفيش مانع لو اشتغلوا مع بعض في وجود ورق كويس، والشخصيات لايقة علينا لكن مش بنعم لسوا من أجل العمل سوا، مش بحب اسمي يتربط بحد، أنا ممثلة طماعة".

وقالت هدى، إنها تسعى من خلال أعمالها أن تقدم توعية ما بقضية ما، وتؤمن بأن دور الفن هو تسليط الضوء على المشكلات وليس بالضرورة حلها.

وعن دورها في حكاية "ماتيجي يا مليجي" في مسلسل نصيبي وقسمتك، قالت هدى إن الفن استطاع تسليط الضوء على ذوي الاحتياجات الخاصة بشكل إيجابي جدا، وتابعت: "كلنا عندنا احتياجات خاصة لو مش جسدية فهتكون نفسية أو عقلية".

قــــد يهمـــــــــك أيضًــــــــــا:

رانيا يوسف تهنئ الفنان محمد الشرنوبي بعيد ميلاده الـ24

محمد الشرنوبي يتحدث عن فكرة الصلح مع سارة الطباخ