"تويتر": جدل حول اعتداء "الإخوان" على ناشطة مصرية

اهتمت مواقع التواصل الاجتماعي بواقعة الاعتداء التي تعرضت لها الناشطة المصرية، ميرفت موسى، من قبل عدد من أنصار جماعة "الإخوان المسلمين"، والتي حظيت باستنكار واسع من جانب عدد من مستخدمي موقع "تويتر"، بعد نشر مقاطع فيديو تصور الواقعة على الإنترنت. فكتب صاحب حساب TheBigPharaoh@: "مرفت اللي انضربت بالقلم كانت بتخدم مصابي الثورة و بتجري ورا المحبوسين يوم ما الإخوان والمجلس العسكري كانوا نايمين مع بعض على سرير واحد." وكتبت Omhabib@ تقول: "فيه بنت اتضربت النهرده في المقطم علقة موت، هي النخوه والشهامة كانت على ست البنات بس يا خونة مصر." وقالت nawaranagm@: "مافيش حاجة مضحكاني في ده كله إلا إن العيال كل ما يخشو على اخواني يلاقوه بغل وخدوده مكلبظة يقولوا هو اللي ضرب ميرفت.. يا جدعان كلهم شكلهم كده." وكتبت Huda_Egypt@: "ميرفت موسى.. الصفعة التي تلقتها من بلطجي الجماعة هوت على وجوه نساء مصر جميعا، أثبتت قوة وشجاعة حين قدموا الدليل على خستهم ونذالتهم." وكتب Usamashazly@: "زمن عجيب، شخص بيدعي انه هو اللي ضرب ميرفت بحثاً عن الشهرة، زمان كان اللي بيعمل حاجة وسخة بيقول يا ارض انشقي وابلعيني، مش ناس بتدعي انها عملت."