أغرب 15 معلومة ممكن تعرفيها عن مستحضرات التجميل

مافيش ست مش بتستخدم مستحضرات تجميل، حتى البنات الصغيرات دلوقتي بقى ليهم أنواع مكياج مخصوصة غير مضرّة لبشرتهم، 1- اللمعة اللي بتكون موجودة في بعض أنواع الآي شادو وأحمر الشفاه، بتتعمل في الغالب من قشور بعض أنواع الأسماك. 2-  المصريين القدماء عملوا أول مكياج في التاريخ من النحاس والرصاص الخام. 3- أول مكياج تم استخدامه كان مكياج عيون، المصريين القدماء كانوا بيحددوا العين والحواجب بلون غامق. 4- في قديم الأزل، المكياج كان بيستخدم لترهيب الأعداء في الحروب، أو عند ممارسة السحر. 5- قدماء الرومان كانوا بيستخدموا دهن البجع أو لبن الحمار كدهان لمحاربة التجاعيد والكلف. 6- المصريون أول من لوّنوا الأظافر بالحنة قبل اختراع المانيكير. 7- أول مانيكير فى التاريخ اخترعه الصينيون عام 3000 قبل الميلاد، بخليط من بياض البيض وشمع العسل وبودرة ملونة. 8- في العصور الوسطى في أوروبا، شحوب الوجه كان علامة من علامات الجمال، الستات كانوا بيعوروا نفسهم أو يلجأوا لتجفيف عروقهم من الدم علشان يوصلوا للمنظر الشاحب. صحيح.. الست ممكن تعمل أي حاجه علشان جمالها. 9- سنة 1400 كان فيه موضة إن الستات يبقوا من غير شعر.. نهائي! كانوا بيحلقوا شعر راسهم وحواجبهم وحتى رموشهم. 10- أشهر إصابة مكياج في العالم، هى خربشة العين بفرشاة الماسكارا. 11- الروتين التجميلي اليومي عند المصريين القدماء كان معقد جدا، كانت الملكة بتبدأ بدهن الإبطين بكرات البخور كمزيل لرائحة العرق، وبعد كده بتستعد لوضع الماكياج بالجلوس أمام المرآة، بمساعدة عدد من الخدم معاهم أدوات تجهيز المكياج، بتبدأ بمطاحن صغيرة لتحويل المرمر لبودرة، بعدين خلطها مع دهون حيوانية لتكوين الآي شادو، والخادمة كانت بتستخدم عصا صغيرة مقوسة مصنوعة من العاج لفرد الآي شادو، وكانت بترسم الكحل باستخدام عصا تانية رفيعة من العاج، أما آخر خطوة كانت تلوين الشفايف، وكان بيستخدموا خليط من المعادن المطحونة لها لون أحمر، كأحمر الشفايف. 12- في القرن الـ16 في أوروبا، كانوا بيستخدموا القطران لمكياج العيون (آي لاينر وماسكرا) بس للأسف كان ريحته وحشة وبيسبب العمى. 13-  في عهد الملكة فيكتوريا (القرن الـ19) بإنجلترا، سيدات الطبقة العليا ماكانوش بيستخدموا المكياج، المكياج كان بس للممثلات أو لستات الطبقة العاملة. 14- بنات الجيش في اليابان بيستخدموا فضلات طائر العندليب كماسك لمحاربة التجاعيد، ويقال إنه اسكراب رائع. 15- أول مزيل عرق ببلية دوارة تم إنتاجه سنة 1952، وكانت الفكرة مستوحاة من الأقلام الجاف.