فتة الشاورما السورى

نقدم لكم طريقة عمل فتة الشاورما السورى بطريقة الشيف الشربينى.

المقادير:
فراخ بانية مقطعة شرايح طويلة
معلقتين زبادى
معلقة صغيرة صويا صوص
معلقة صغيرة كاتشاب
بهارات ( ملح, فلفل, كمون, بابريكا, بصل وتوم باودر, بهارات فراخ )
معلقة صغيرة خل
عصير نصف ليمونة
بصلة صغيرة مبشورة ناعم جدا
زيت

"الأرز"
رز مصرى
زبدة
بهارات ( ملح, فلفل, كركم )

"الخبز"
خبز شامى 
زيت 

" صوص التومية"
كوبين زبادى ( مش بلدى )
3 ملاعق كبيرة مايونيز
ملح وفلفل
خل
عصير نصف ليمونة

طريقة التحضير:
- الشاورما:
نحضر كل المكونات بتاعتها ونخلطها ببعض جيدا ونتركها فى الثلاجة على الاقل 6 ساعات.
نحضر طاسة ونسخنها جيدا ونضيف معلقة زيت ونضيف الفرخ ونتركها تنضج على نار عالية.
- الأرز:
نسخن معلقتين زبدة فى حلة ونضيف عليهم الأرز والكركم ونقلبهم جيدا حتى يأخذ اللون الأصفر ونضيف عليه المياه السخنة او الشوربة وعندما تغلى نهدى النار ونتركها تنضج.
- الخبز:
نقطع العيش الشامى الابيض مربعات ونحمره فى الزيت حتى يصبح مقرمش ويصبح لونه ذهبى
- صوص الثومية:
نخلط المكونات فى الخلاط او بالمضرب اليدوى حتى تتجانس تماما

التقديم
فى الاول نضع العيش المحمص فى الطبق ونضيف عليه معلقتين من الصوص. 
ثم نضيف عليه الأرز وهو ساخن لكى يشترب العيش بخار الأرز ثم نضيف عليهم الفراخ، ثم نوزع باقى الصوص على الوجه