"أبو حفيظة" وكريم الحميدي يحالفان على المرأة ويؤكدان عصبيَّتها

لفت الإعلامي أكرم حسني المعروف بـ"أبو حفيظة" إلى أن "الست مخلوق عشان تكون عصبية، ودائمًا العصبية في دمها"، مضيفًا "دايمًا متعصبة على زوجها وولدها، مثلا تيجي تسافر والطريق طويل تتنرفز، تروح النادي الجو يكون حارًا برده تتعصب وهكذا".

وأضاف حسني في برنامج "للرجال فقط" على إذاعة "نجوم إف إم" مساء الثلاثاء 26 تموز/ يوليو الجاري أن "الرجل يبقى راجع من الشغل شايل هم الدنيا، وتحاول تستريح على كتف زوجتك، ولكن تلاقيها فرقعت في وشك، واتعصبت عليك عشان بسبب ودون سبب"، واصفًا المرأة بـ"كائن بركاني" شديد الغضب.

 وأوضح حسني أن "الأزواج لهم تجارب صعبة مع عصبية زوجاتهم، وبيستحملوا عشان الحياة تمشي، ولكن في عصبية للست تكون أوفر بيبقى لازم في رد فعل عليها حتى لو كان قويًّا".

 متابعا "الست دايمًا تتنرفز وتحسسك أنها لوحدها شايلة البيت فوق دماغها، مع أننا بنشيل نصف الحمل، ومثلا لو وصلت الأولاد النادي والمدرسة تحسسك أنها شالت الدنيا على ضهرها حاجة تخنق".

وقال الإعلامي كريم الحميدي إن "عدم وجود المرأة في المكان يؤدي إلى أن يكون الهدوء سائدا، ولكن بمجرد يجيلها تليفون أو يحصل حاجة تكون ليلتك سوداء".

 مضيفا أن "الست ترجع تقولك 90% من عصبيتها بسبب الرجل، والزوجة لما تيجي تحكي مشكلة لزوجها لازم تلاقي حل لمشكلتها، ولو مشفتش ده هتسود عيشته". 

متابعا أن "الست لمجرد أن يرجع من الشغل زوجها تقعد تفرقع فيه وفي الأولاد، وتوصل لحالة من الصريخ والصوت العالي غير مفهومين، وبعد كل العصيبة ترجع تندم وتبوس جوزها وابنها، طب بدال هتندم ليه تعمل كدة من الأول ولازم تعدل من نفسها أولا بأول".