حمو بيكا يكشف حقيقة تعرضه لحادث سير

كشف فنان المهرجانات حمو بيكا حقيقة تعرضه لحادث سير في الساحل الشمالي أثناء قضائه إجازته الصيفية.وعبر بث مباشر نشره على صفحته على فيسبوك، قال حمو بيكا إن السيارة التي تعرضت لحادث على طريق الساحل الشمالي تخص مدير أعماله وليست سيارته وأنه في هذه الأثناء كان يمكث في الفندق وعندما علم بالحادث ذهب مسرعا للاطمئنان على مدير أعماله وحينها تحدث الصحافة عن تعرضه لحادث وهذا الأمر غير صحيح.وأشار حمو بيكا إلى أنه كان الأهم بالنسبة له حالة مدير أعماله ومن اصطدمت سيارته بهم وليس السيارة.
وأضاف "كان فيه عربيات واقفة صف تاني واقفة في الممنوع، وكان في عربية كان ضهرها كله في الشارع، وهو بيلف الملف خبط العربية دي ومكنش شايف حاجه، طبعًا إحنا اتصورنا والناس بقت بتحب تنزل أي حاجة على فيس بوك، بس لما تيجي تكتب اكتب بعقل، هو دلوقت بخير وبيتحقق معاه في النيابة ومعاه المحاميين بتوعي، كله بيقول عربية حمو بيكا لأ هي عربية مدير أعمالي".

واستطرد "وحدوا الله كده كل سنة وأنتم طيبين، واتطمنوا أنا بخير الحمد لله أنكم بخير ووافقين على رجليكم وتقدروا تجيبوا غيرها، محدش بيهرب من قضاء ربنا، في واحد بيبقى نايم في أمان يصحوا يلاقوه ميت، اللي بيجي في الحديد بيتصلح إنما البني آدمين مبتتصلحش”.وأختتم "أصلا كل اللي واقف كان واقف صف تاني غلط يعني، وأنتوا عارفين إن الساحل زحمة، والبني آدم بيخطأ، الحمدلله أن الكل بخير ومحدش حصله حاجه، وكلها كانت سليمة، هي بس العربيات كانت واقفة وهو كان بيجري وخبط في العربية دي وبعدين الإيرباك فتح فشد العربيات اللي وراها".مؤخرا أثار حمو بيكا الجدل بعد طرحه مهرجان "ايه الحكاية؟" بالتعاون مع شركة روتانا للصوتيات والمرئيات.

 
 قد يهمك ايضا:

تعليق رامز جلال على إطلالة أروى في حلقة حمو بيكا

الأردن تمنع مطربي المهرجانات حسن شاكوش وحمو بيكا