شريف منير يهاجم المذيعة عزة الحناوي علي الهواء

هاجم الفنان شريف منير المذيعة عزة الحناوي، مذيعة قناة "القاهرة" بالتلفزيون المصري، بعد انتقادها للرئيس عبد الفتاح السيسي في حلقة الأحد 6 مارس الجاري من برنامجها "أخبار القاهرة".

وقال شريف منير في مداخلة هاتفية ببرنامج "على مسئوليتي" مع مقدم البرامج أحمد موسى، والمذاع على شاشة "صدى البلد"، إنه على كل من لا يرى الإيجابيات أن ينظر لنفسه ويذهب للعلاج".

وأضاف قائلا: "محناش عارفين نلاحق على الفضائيات اللي عمالة تحبط وتقول كلام سلبي، ومش شايفة حاجة، وبعض الإعلاميين اللي عمالين يخبطوا، وأدينا ماشيين في طريقنا ، إنما مش هييجي كمان في التلفزيون المصري بتاعنا تطلع مذيعة وتتكلم بطريقة مفيهاش أي نوع من تقبل الأخر حتى مع الضيف اللي معاها".

وتابع موجها كلامه لها ولكل من لا يرى ما تقوم به الدولة من إنجازات: "إحنا ماشيين رأي حضرتك متشكرين جدا، والطيارة طارت واللي مقدرش يطلع يقعد يلطم مع نفسه، ومش هينفع تلفزيون الدولة تطلع فيه ناس تحبط، واللي مبيشوفش يبقى أعمى، اللي مش شايف إن حواليه بيحصل إنجازات يبقى عمى".

وأردف: "احنا عاوزين نوقف التلفزيون دة على رجليه، ولازم يقف على نضافة والحاجات اللي قالتها دي تهم جنائية لأنها بتغلط في الرئاسة، وغلطِت قبل كده، ومحدش كلمك ونسينا علشان عدم الأهمية في اللي بيتقال، نسكت بقى ونشتغل".

واختتم شريف منير حديثة قائلا إن كل من يوجه كلام وانتقادات، ويرى أن الرئيس لا يعمل وأن لا شيء يحدث ولا يرى الإنجازات، فهو يريد رئيس ساحر معه عصا سحرية يحركها فيحل كل شيء.

وكانت المذيعة عزة حناوي، أنهت حلقة برنامجها "أخبار القاهرة" الأحد 6 مارس الجاري، موجهة كلامها للرئيس عبد الفتاح السيسي لتنتقد الكثير من الأمور في البلد، وأنها لا ترى تنفيذ للوعود وتحقيق للإنجازات.

وأصدر عصام الأمير، رئيس اتحاد الإذاعة والتليفزيون، قرارا بتشكيل لجنة لمشاهدة حلقة برنامج "أخبار القاهرة"، وستقوم اللجنة بمشاهدة حلقة البرنامج لعرض تقريرها على عصام الأمير خلال ٤٨ ساعة