دبي - صوت الإمارات
نشر حاكم دبي الشيخ محمد بن راشد آل مكتوم، على حسابه في "انستغرام" قصيدة جديدة له بعنوان عتاب:
" عتــاب "
ياشاغله نفسك على غير طايل
لاتضيعي وقتي ونا عنك مشغول
عندي على ماكان منك دلايل
وكل حد عن شي يسويه مسئول
وكثر الكلام بين قلت وقايل
مايفيد لأن الطبع فالضلع مشكول
هل يستقيم الظل والعود مايل
والناس دوم اجناس عالي ومجهول
ونحنا كتفينا وماتفيد الرسايل
وماعندنا مشكل له تدور حلول
وكل وقت له ناسه وعندي بدايل
ونتي زمانك مر بالعرض والطول
حدً عتابه يكون ضرب المثايل
وحدً عتابه إنتبا ذكره يزول