حماقي يستجيب لدعوة "معجبة" لحضورحفل زفافها

لبي المطرب محمد حماقي طلب إحدي الفتيات عبر موقع التواصل الاجتماعي فيس بوك و التي طلبت من خلالها حضور حماقي في حفل زفافها .

حماقي نشر صورة الفتاة و كتب عبر صفحته " الف مبروك و ان شاء الله حاكون اول الحاضرين ".

و كانت قد كتبت " كهرمانة " في رسالتها: "بصوا أنا مش عارفة أقولهالكوا إزاي..ولو ده جنان ف أنا هتجنن ولو لمرة واحدة ف عمري.. ومفيش حاجة مستحيلة...أنا أمنية جوايا من 11 سنة، وجه وقت محاولة تحقيقها ..حماقي‬ يحضر فرحي وبما إني مش هعمل فرح فأنا عاوزاه بس يحضر ويشهد على عقد جوازي مش عاوزاه يغني بس يحضر.. اللي فيكوا عارفني من زمان هيبقي عارف كويس أوي الأمنية دي بالنسبالي إيه".

وتابعت " شبيه أحمد حلمي أتمني عمره كله إن أحمد حلمي يحضر فرحه ووجه دعوة رسمية لحلمي وحلمي فاجأه وجاله فرحه!!!
مفيش مستحيل.. بس اللي فيكوا يعرف أوجه دعوة رسمية لحماقي إزاي يقولي وانتوا اللي طالباه منكوا البوست ده يلف الفيس بوك لحد ما يوصل لحماقي نفسه أو ع الأقل حد يوصله لحماقي".