ليلى علوي تكشف أنّها خسرت وزنها الزائد بعد "كورونا"

أثنت الفنانة المصرية ليلى علوي، على فيلم "عنها" المشارك في مهرجان القاهرة السينمائي بدورته الـ42 والتي كان حفل ختامها الخميس الماضي، مشيرة إلى أنه يمثل حالة مختلفة وجريئة.وقالت : "عنها هو الفيلم المصري الثالث المشارك في المسابقة، في حالة مختلفة وجريئة وحابة جدا أشوف الفيلم وإن شاء الله يعجبنا".وأضافت: "الفيلم بيناقش قضايا المرأة، والسينما دائمًا مهتمة بكل المشاكل الإنسانية وأهمها مشاكل المرأة بالذات في المجتمعات العربية".وتابعت: "أنا بحب السينما جدًا، وطبيعي أكون موجودة في المهرجانات الفنية لإني اتربيت على كده طول عمري، وشرف ليا التواجد في مهرجان القاهرة".

وعن تكريم النجوم في المهرجانات الفنية، قالت: "كل واحد من النجوم بيبقى ليه السنة بتاعته، أعتقد كل الفنانين الكبار والأساتذة اللي اتعلمنا منهم، كلهم اتكرموا، سعيدة بتكريم الأستاذ وحيد حامد لإنه علامة من علامات الفن في مصر، وسعيدة بتكريم الجميلة والدؤوبة منى زكي، كل سنة بيكون في نجوم مكرمين وأعتقد إن المهرجان بيختارهم بعناية".وعن إطلالتها وظهورها بشكل جذاب، قالت ليلى علوي: "أنا خسيت شوية بعد الكورونا والصيف، والحمدلله الدنيا باينة معايا أحسن".وأردفت: "كل الفساتين والملابس بتبقى من دولابي، لكن أكيد بحب آخد رأي المقربين مني، وبالنسبة للقطعة اللي شوفتوني لابساها قريب، وكنت ظهرت بيها زمان في أحد أفلامي، فأنا كنت متعمدة ده، وأعدت ارتدائها تاني الفترة دي".

وعرض مهرجان القاهرة السينمائي الدولي في دورته الـ42، 83 فيلمًا من 43 دولة، بينها 20 فيلمًا في عروضها العالمية والدولية الأولى، بالإضافة إلى 52 فيلمًا في عرضها الأول بالشرق الأوسط، وشمال أفريقيا.