ساندويتشات لحمه مفرومه بالجلاش

المقادير:

ورقتين جلاش
ربع كيلو لحمه مفرومه
ملح وفلفل اسمر وشطة
جبنه رومى مبشوره
زتون مخلى
بصله مبشوره او اضربيها فى الخلاط
3طماطم كبيره منزوعه القشر
2 معلقه سمنه كبيره سايحه .

الطريقة:

هنحط البصل المبشور فى الطاسه فيها زيت ونقلب لحد مايصفر ونحط اللحمه ونقلب لحد ماتطيب ونحط شطه بسيط وملح وفلفل اسمر ونقلب .بعد كده هنكون مجهزين الطماطم المقشره والجبنه الرومى المبشوره والزيتون .
هنفرد الجلاش ع صينيه وناخد كل 3 ورقات نحط فيهم بالترتيب اللحمه بعدها الطماطم والجبنه والزيتون ونقفلهم من تحت ونلفها وفى الاخر نقسمها نصين .وهكذا لحد مانخلص الجلاش كله ولو حبينا نعمله حادق بالجبنه يعنى هنحط جبنه وطماطم وزيتون ونفس طريقه التقفيل عليها ونقسمها نصين ونجيب صينه نفردهم فيها ونكون مسيحين معلقتين سمنه كبار ونرش عليهم وبعد كده ندخلهم فى فرن حامى ودرجه حراره 180 ونقلبهم بعد 10 دقايق ع الوش التانى عشان يحمر . وبالهنا والشفا.ده كان غدا النهارده عندى .ويارب مكنش نسيت حاجه واتمنى تجربوه وهيعجبكم ان شاءالله