هنقدم النهاردة العكاوى بطريقة جديدة ولذيذة,,, كتير مننا ممكن مايعرفش يقدمها واذاعملها بتبقى بالطريقى التقليدية,,, تعالى شوفى طريقة اليوم جديدة وشهية جدااا هيحبها كل أفراد أسرتك وهيطلبوها منك دايما ,,, خاصة انها مناسبة جدا ، حيث تمنح الجسم الطاقة والدفء.

أقرأ أيضًا:  طاجن بطاطس بالصلصة مع قطع الدجاج

المقادير:

1/ 2 كيلو عكاوي

1/ 4 كيلو بصل

حبة بطاطس

كوب بسلة

ملعقة كبيرة ثوم مفروم

2 حبة فلفل حامي مكعبات

3/ 4 كوب عصير طماطم

ملعقة صغير كمون

ملعقة صغيرة زعتر

ملح وفلفل

طريقة التحضير:

1- قطّعي البصل مكعبات صغيرة وشوّحيه في الزبدة أو السمنة لحد ما لونه يبقى أصفر، وبعدين قطّعي العكاوي مكعبات، وحطيها على البصل.

2-حطي معاهم الثوم، والزعتر، والكمون، والفلفل الأسود، والملح، والفلفل الحامي، وعصير الطماطم، وقطعي البطاطس مكعبات كبيرة، وضيفيها على الخليط.

3- قلّبي الخليط على النار، وممكن تزوّديه شوية ميه قليلة، وغطي الحلة، وسيبيه على نار عالية، وقلبيه من وقت للتاني، لمدة 15 دقيقة، أو لحد ما يبدأ يدخل في السوى.

4-بعد كده صبّي الخليط في طاجن أو صينية، ودخّليها الفرن لمدة 20 دقيقة، أو لحد ما اللحمة تستوي تماما، بعدين طلّعيه من الفرن، وقدّميه مع الرز بالبهارات..

وبالصحة والهنا,,,

إقتراح التقديم:

قدمى  شوربة لسان العصفور مع العكاوى الحارة وتمتعى بالمذاق الرائع

قد يهمك أيضًا:

قالب البطاطس المحشى باللحمة المفرومة

تعرفي علي طريقة إعداد البطاطس مع اللحم المشوي الشهية